دروس عن طريق الانترنت "علامات الساعة"

في اهتمام كبير بالدروس عن طريق الانترنت من خلال البوست الي فات ليا  وبشكر جدا للي باركلي فانا في البوست دة هشرح كل حاجة بالتفصيل واتمني انكم تفهموني كويس . ولالاسف هو طويل شوية
دي شهادة كنت وخدها من معهد جورجيا بامريكا من شهر تقريبا في تعلم ازاي تتكلم بطلاقة وبسرعة في الكلام . طيب ودي صورة لجميع الكورسيز الي حصلت عليها علي الموقع و الاهم بقي في الي جاي .
1_ موقع كورسيا افضل موقع تعلم وكورسات في جميع المجالات وبيتعاقد مع جامعات عالمية في امريكا المانيا روسيا جميع الدول والي بيشرح اساتذة جامعة يعني الشهادة الي انت بتاخدها منة دي دي معتمدة من الجامعة ولكن معتمدة اون لاين يعني اثبات انك درست منهجها ولكن عن طريق الانترنت وبيتسجل في الجامعة اسمك وانك طالب عندها في المادة دي او المجال دة اذا الشهادة دي مهمة جدا . فوق ما تتخيل . وكفاية بتتعلم علي ايد اساتذة جامعات عالمية واقوي شهادة علمية اونلاين علي مستوي العالم كلة . طيب ممكن تقول ان ممكن تفبرك شهادة بالفودوشاب . طيب في اخر كل شهادة علي اليمين تحت مكتوب url لو كتبتة في جوجل هيظهرلك شهادتي من الموقع نفسة تشوفها وتتاكد منها
2_ بتخش علي موقع كورسيرا تعمل sign up بايميل الجي ميل تمام وبعد كدة هتعمل تاكيد علي الاكونت بتاعك هتبعت للموقع صورة لبطاقتك او الباس بور صورة كويسة وجودة عالية او اسكانروصورة شخصية ليك وتستني 5 ايام لما يتراجع ويجيلك الموافقة .بعد اما يتوافق علية خلاص تبتدي تعمل دعم مالي متعملش قبل ميجيلك الموافقة من فضلك انا بكرر اهو متعملش دعم مالي قبل ميجيلك الموافقة واللكونت بتاعتك يبقي جمبة اخضر كدة زي انا في الصورة تحت
3. جالك الموافقة تبتدي تختار الكورس الي انت عايز تتعلمة كل الكورسات بتبقي 50 دولاز ولكن الموقع بيدعم حاجة اسمها دعم مالي للدول الفقيرة زينا كدة  هتعملة عباراة عن ابليكيشن تكتب البيانات الي بيطلبها منك في الابليكيشن  وانك تقول في انا مش هقدر ادفع الفلوس دي بس  وخلاص وتستني 2 اسبوع يجيلك الموافقة علي الايميل الجي ميل لانة بيتراجع . وتقريبا معظم الدعم المالي بيتقبل متقلقوش
4. طيب اتوافق خلاص تبتدي تدرس نظام الدراسة كالاتي .
عباراة عن 4 اسابيع كل اسبوع بيبقي في عدد من الفيديوهات بتتفرج عليهم والي بيتقال بتلاقي مكتوب في ورق ممكن تقراة وبعد كدة امتحانات صغيرة بتعملها  ولازم تنجح فيها وبعد كدة بتعمل واجب سوا كتابي او صوتي ولازم الطلاب الي بيدرسو معاك يقيموك وينجحوك ويدوك درجات  3 طلاب واعلي ولازم تنجح فية بعد كدة بتخش الامتحان الكبير لكل اسبوع 3 محاولات نجحت خلاص حضرتك تبتدي تنتقل لالاسبوع الي بعدة .
ممكن تخلص الاسابيع كلها في يوم بس لازم تستني الطلاب يقيموك وتنجح في كل الامتحانات .وممكن تتراسل مع استاذ الجامعة ولكن صعب يرد عليك نظرا لانشغالهم . صدقني هتستفاد استفادة رهيبة جدا .