المرجو الدعاء له

قصتي  انا عسكري

ليوم نهار كامل قلبي قابضني وجامد في

بلاصتي وساكت وصلت 10  ليلا جاني خبر بلي شاف محتاجني باغي اشوفني مشيت خطوة لڨدام و جوج خطوات لوراء دخلت قالي ولدي كمال سير هز حوايجك ومشي لداركم عظم الله اجركم ربي يرحمها ويصبركم  سقطت دمعة سخونة من عيني طاحت كنت حاس بلي كاينة حاجة رجعت لشومبر لنجمع حوايجي  وساكت صحابي كيهدرو معايا ولكن لا استطيع  نرد عليهم حتى ناض واحد فيهم ڨرب ليا وسولني كمال اش واقع صاحبي علاش كتجمع في حوايجك فين غادي  هزلي راسي شاف دمعة في عيني ضمني وانا بديت نعيط لميمة أحمد  خويا ميمتي مشات يا حمد خويا راني توحشها هادي 3 شهر ماشفتهاش هي لي كانت كتحل عليا لباب  وتحضني بين يديها يا حمد ميمتي راحت وخلاتني جمعت حوايجي هزيت صاكي على ظهري ومشيت وصلت لڨيت طاكسي  كولت له  وصلني حطيت راسي وبديت نتفكر في ديك ليام فاش  كنت كنمشي هي طيبلي أي حاجة تشهيتها فاش نكون  على برا سهران مع رفاق السوء  هي تعيطلي وتسولني فينك احبيبي هي  تنصحني وتخاف عليا نتفكر نهار تقبلت في العسكر وزغرتتلي وفرحتها كانت كبيرة دموع من عيني ماحبسوش بعد ساعات وصلت لدار قدام  لباب كنت كنتسنى في ميمتي تحل عليا لباب وتحضني بين يديها نبوس لها راسها ونشم ريحتها لي متوحشها دقت حلت خالتي هي شافتني بدات تبكي وتعيط انا طحت في لارض ونبكي جاو خالاتي كاملين هوما يبكيو وانا نبكي هنا جات ختي صغيرة اسراء عندها 3سنين عنقتني وقالت  لي وكمال خويا ماما ها هي ناعسة يلاه معايا نوضوها راني جيعانة بغا ناكل بغيت  ماما توكلني عنقتها بقوة وانا نبكي قلت لها حبيبتي ماما راهي فالجنة شافتني نبكي مسحتلي دموعي وڨالت لي ماتبكيش خويا انا معاك مديتها لخالتي مشيت نشوف ماما لقيتها متكسلة ومغطية ياخوتي لي شافها يڨول غير ناعسة ماشي ميتة بستها  من جبينها ماما شحال باردة بديت نهدر معاها تمنيت لوكان سمعتني ياميمتي نوضي شوفي انا جيت ياميمتي نوضي  غير لبارح كنتي كتقولي ليا  اجي نطيبلك ما تشهتي  ياميمتي نوضي مازال لحال متخلينيش بوحدي ياميمتي انا محتاجك بزاف عفاك اميمتي بقا علاش مشيتي عليا   شكون يفرح لي في عرسي  شكون يعيط عليا فاش نكون سهران على برا  ياميمتي نوضي ماتخليناش وحدنا إسراء بنتك  جيعانة إسراء  مازال صغيرة حرام تتيتم وهي ملايكة ياميمتي نوضي شوفي حبيبيك  كمال ها هو جا نوضي ونوعدك  اميمتي مانزيدش نتكيف ولا نكمي  نوضي نوعدك مبقاش  نقلقك غير نوضي  حطيت راسي على صدرها ونبكي ونغوت بعد شوية نضت بستها وشميت ريحتها لآخر مرة شفت في وجها لي ينور كي نور القمر غطيتها  وخرجت هبطت نشوف ناس كيجيو من كل بلاصة هوما يعزيو فيا وانا ممصدقش بلي ميمتي ماتت وراحت مشيت عند خالتي قلت لها اتهلاي في إسراء  بزاف فاش نمشي حتى نلقا حل خرجت نمشي  ماعارفش فين غادي بقوة تخمام وراسي بغا اطرطق ياربي فرجها وميمتي ارحمها وفالجنة سكنها يارب 

الخوت انصحكم  لي مزالت  في حياتو الغالية قرة العين  يرد بالو عليها غيابها ظلمة ربي يرحم جميع الأمهات الأموات ويحفظ جميع الأمهات الأحياء